KHaksari thi ki bin dekhe hi hum KHak hue

ḳhāksārī thī ki bin dekhe hī ham ḳhaak hue

aur kabhī mārka-e-fat.h-o-zafar dekh na paa.e

us ne dekhā hai to phir dekhnā kyā ho jaa.e

dekhte rahnā hai zālim ko idhar dekh na paa.e

be-hunar dekh na sakte the magar dekhne aa.e

dekh sakte the magar ahl-e-hunar dekh na paa.e

ho ga.e ḳhvāhish-e-nazzāra se be-ḳhud itne

dekhnā chāhte the us ko magar dekh na paa.e

kab use lauT ke dekheñge ye dekhā jaa.e

ham ne duniyā to bahut dekh lī ghar dekh na paa.e

log jab dekhne par aa.e to itnā dekhā

aañkh pathrā ga.ī aur had-e-nazar dekh na paa.e

vo bhī kyā dekhnā thā dekhne vaale bole

jalva har-chand rahā pesh-e-nazar dekh na paa.e

diip jalte rahe tāqoñ meñ ujālā na huā

aañkh pāband-e-tahayyur thī udhar dekh na paa.e

ye tayaqqun nahīñ hotā thā kidhar dekh sake

ye ta'ayyun nahīñ hotā thā kidhar dekh na paa.e

vo taġhāful thā ki us ne hameñ dekhā hī nahīñ

vo tasāhul thā ki ham us kī nazar dekh na paa.e

is qadar tez chalī ab ke havā-e-nā-būd

chaah kar shahr-e-tamannā kā khañDar dekh na paa.e

yuuñ huā dil-zadagāñ lauT ga.e āḳhir-e-shab

raat to jaag ke kaaTī thī sahar dekh na paa.e

kis ne dekhī hai ujāloñ se sulagtī huī raat

aur jo dekh sake ḳhvāb-e-sahar dekh na paa.e

KHaksari thi ki bin dekhe hi hum KHak hue

aur kabhi marka-e-fath-o-zafar dekh na pae

us ne dekha hai to phir dekhna kya ho jae

dekhte rahna hai zalim ko idhar dekh na pae

be-hunar dekh na sakte the magar dekhne aae

dekh sakte the magar ahl-e-hunar dekh na pae

ho gae KHwahish-e-nazzara se be-KHud itne

dekhna chahte the us ko magar dekh na pae

kab use lauT ke dekhenge ye dekha jae

hum ne duniya to bahut dekh li ghar dekh na pae

log jab dekhne par aae to itna dekha

aankh pathra gai aur had-e-nazar dekh na pae

wo bhi kya dekhna tha dekhne wale bole

jalwa har-chand raha pesh-e-nazar dekh na pae

dip jalte rahe taqon mein ujala na hua

aankh paband-e-tahayyur thi udhar dekh na pae

ye tayaqqun nahin hota tha kidhar dekh sake

ye ta'ayyun nahin hota tha kidhar dekh na pae

wo taghaful tha ki us ne hamein dekha hi nahin

wo tasahul tha ki hum us ki nazar dekh na pae

is qadar tez chali ab ke hawa-e-na-bud

chah kar shahr-e-tamanna ka khanDar dekh na pae

yun hua dil-zadagan lauT gae aaKHir-e-shab

raat to jag ke kaTi thi sahar dekh na pae

kis ne dekhi hai ujalon se sulagti hui raat

aur jo dekh sake KHwab-e-sahar dekh na pae