Khaal-e-mashshata bana kajal ka chashm-e-yar par

ḳhāl-e-mashshāta banā kājal kā chashm-e-yār par

zaaġh ko bahr-e-tasadduq rakh sar-e-bīmār par

mujh ko rahm aatā hai dast-e-nāzuk-e-dildār par

maiñ hī rakh dūñgā galā ai hamdamo talvār par

be-suvaidā haath dil mat Daal zulf-e-yār par

maash pahle paḌh ke mantar pheñk rū-e-yār par

gar hifāzat ruḳh kī hai manzūr to miTvā na ḳhat

bāġhbāñ rakhtā hai kāñTe baaġh kī dīvār par

kaun kahtā hai ki sabza aag par ugtā nahīñ

ḳhat hai paidā yaar ke dekho ruḳh-e-gulnār par

dekh mizhgāñ par mirī tuġhyāni-e-sail-e-sarishk

nuuh kā tūfāñ na dekhā hove jis ne ḳhaar par

jis ko dekhā hī nahīñ us ke vatan meñ qadr-e-ḳhāk

baaġh se ho kar judā pahuñche hai gul dastār par

haq agar pūchho to ejāz-e-sar-e-mansūr thā

varna lagnā thā ta.ajjub phal kā naḳhl-e-dār par

KHal-e-mashshata bana kajal ka chashm-e-yar par

zagh ko bahr-e-tasadduq rakh sar-e-bimar par

mujh ko rahm aata hai dast-e-nazuk-e-dildar par

main hi rakh dunga gala ai hamdamo talwar par

be-suwaida hath dil mat Dal zulf-e-yar par

mash pahle paDh ke mantar phenk ru-e-yar par

gar hifazat ruKH ki hai manzur to miTwa na KHat

baghban rakhta hai kanTe bagh ki diwar par

kaun kahta hai ki sabza aag par ugta nahin

KHat hai paida yar ke dekho ruKH-e-gulnar par

dekh mizhgan par meri tughyani-e-sail-e-sarishk

nuh ka tufan na dekha howe jis ne KHar par

jis ko dekha hi nahin us ke watan mein qadr-e-KHak

bagh se ho kar juda pahunche hai gul dastar par

haq agar puchho to ejaz-e-sar-e-mansur tha

warna lagna tha tajjub phal ka naKHl-e-dar par