Khaali paDe the jam nahin dekh pae hum

ḳhālī paḌe the jaam nahīñ dekh paa.e ham

itnī udaas shaam nahīñ dekh paa.e ham

ham par the munhasir ka.ī nākām ishq bhī

apnā thā jo bhī kaam nahīñ dekh paa.e ham

karnā thā ehtimām-e-qazā zer-e-zindagī

itnā bhī intizām nahīñ dekh paa.e ham

vo lab ki jin kā zikr hamesha laboñ pe thā

un par hī apnā naam nahīñ dekh paa.e ham

vo jo ḳhumār-e-mīr se ham ko ubhār le

aisā koī kalām nahīñ dekh paa.e ham

KHali paDe the jam nahin dekh pae hum

itni udas sham nahin dekh pae hum

hum par the munhasir kai nakaam ishq bhi

apna tha jo bhi kaam nahin dekh pae hum

karna tha ehtimam-e-qaza zer-e-zindagi

itna bhi intizam nahin dekh pae hum

wo lab ki jin ka zikr hamesha labon pe tha

un par hi apna nam nahin dekh pae hum

wo jo KHumar-e-mir se hum ko ubhaar le

aisa koi kalam nahin dekh pae hum