KHamushi se nikalti baat ka dukh

ḳhāmushī se nikaltī baat kā dukh

jāntā huuñ tumhārī zaat kā dukh

nīm-shab kī ḳhamoshī aur ġham-e-dil

noch letā hai aañkh raat kā dukh

bas maiñ shikva-kunāñ nahīñ tujh se

mujh ko vaise hai terī baat kā dukh

haar kar bhī maiñ jiit jā.ūñgā

bas kabhū ho jo tujh ko maat kā dukh

tum ne jiinā hai maiñ ne jiinā hai

jaañ nikālegā ye hayāt kā dukh

mere jiine pe bhī na raazī thā

tujh ko honā thā kyā vafāt kā dukh

dost ġhamgīñ na hoñ mire 'hamza'

paal lūñgā maiñ pāñch saat kā dukh

KHamushi se nikalti baat ka dukh

jaanta hun tumhaari zat ka dukh

nim-shab ki KHamoshi aur gham-e-dil

noch leta hai aankh raat ka dukh

bas main shikwa-kunan nahin tujh se

mujh ko waise hai teri baat ka dukh

haar kar bhi main jit jaunga

bas kabhu ho jo tujh ko mat ka dukh

tum ne jina hai main ne jina hai

jaan nikalega ye hayat ka dukh

mere jine pe bhi na raazi tha

tujh ko hona tha kya wafat ka dukh

dost ghamgin na hon mere 'hamza'

pal lunga main panch sat ka dukh