KHana-e-dil mein ja-ba-ja shab-bhar

ḳhāna-e-dil meñ jā-ba-jā shab-bhar

maiñ tujhe DhūñDhtā rahā shab-bhar

raat mujh se lipaT ke rotī rahī

so mujhe jāgnā paḌā shab-bhar

tere aane se ho tulū-e-sahar

dil ne māñgī yahī duā shab-bhar

jaane vo kis kī qabr hai jis par

jaltā rahtā hai ik diyā shab-bhar

lauTnā thā mujhe bhī ghar ko magar

haath aaya na rāsta shab-bhar

apnī palkoñ pe Dho.e ashk 'amīn'

ham ne haarā na hausla shab-bhar

KHana-e-dil mein ja-ba-ja shab-bhar

main tujhe DhunDhta raha shab-bhar

raat mujh se lipaT ke roti rahi

so mujhe jagna paDa shab-bhar

tere aane se ho tulu-e-sahar

dil ne mangi yahi dua shab-bhar

jaane wo kis ki qabr hai jis par

jalta rahta hai ek diya shab-bhar

lauTna tha mujhe bhi ghar ko magar

hath aaya na rasta shab-bhar

apni palkon pe Dhoe ashk 'amin'

hum ne haara na hausla shab-bhar