KHabar hai ki aaya gulabon ka mausam
ḳhabar hai ki aayā gulāboñ kā mausam
guloñ ke badan par hai kāñToñ kā mausam
ḳhudā jaane is rut meñ kyā gul khilā.e
gulistāñ kā joban ye kaliyoñ kā mausam
laboñ kī sharārat nazar se ishārat
dam-e-vasl kaisā hayāoñ kā mausam
ye daur-e-mohabbat bhī kaisā ajab hai
huuñ āñkhoñ meñ bāteñ ishāroñ kā mausam
havā.e judā.ī ye kaisī chalī phir
ġhamoñ kī fazā meñ azāboñ kā mausam
jo pyāse haiñ 'bāno' tum un ko sadā do
ki sahrā meñ utrā hai chashmoñ kā mausam
KHabar hai ki aaya gulabon ka mausam
gulon ke badan par hai kanTon ka mausam
KHuda jaane is rut mein kya gul khilae
gulistan ka joban ye kaliyon ka mausam
labon ki shararat nazar se ishaarat
dam-e-wasl kaisa hayaon ka mausam
ye daur-e-mohabbat bhi kaisa ajab hai
hun aankhon mein baaten ishaaron ka mausam
hawae judai ye kaisi chali phir
ghamon ki faza mein azabon ka mausam
jo pyase hain 'bano' tum un ko sada do
ki sahra mein utra hai chashmon ka mausam
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
