KHadd-o-Khaal-e-hasrat-o-arman badalna hai mujhe

ḳhadd-o-ḳhāl-e-hasrat-o-armāñ badalnā hai mujhe

sarhad-e-soz-e-ġham-e-dil se nikalnā hai mujhe

soz-e-ġham soz-e-darūñ soz-e-talab ye to batā

aur tere saath kitnī duur chalnā hai mujhe

saarā 'ālam chhān maarā hai pata miltā nahīñ

kaun hai āḳhir kahāñ hai jis se milnā hai mujhe

sāhib-e-tafrīq-o-shar ke paañv meñ hai farsh-e-gul

ḳhair kā haamī huuñ maiñ kāñToñ pe chalnā hai mujhe

koī hiila vahshat-e-nākāmī-e-zauq-e-talab

ḳhud ko ibn-ul-vaqt kī sūrat badalnā hai mujhe

toḌ bhī jis kā tire shātir ḳhayāloñ meñ na ho

vaqt tere saath aisī chaal chalnā hai mujhe

ik zarā sī aur fursat ai fareb-e-dard-e-dil

gulshan-e-hastī meñ gul ban kar mahaknā hai mujhe

KHadd-o-KHal-e-hasrat-o-arman badalna hai mujhe

sarhad-e-soz-e-gham-e-dil se nikalna hai mujhe

soz-e-gham soz-e-darun soz-e-talab ye to bata

aur tere sath kitni dur chalna hai mujhe

sara 'alam chhan mara hai pata milta nahin

kaun hai aaKHir kahan hai jis se milna hai mujhe

sahib-e-tafriq-o-shar ke panw mein hai farsh-e-gul

KHair ka hami hun main kanTon pe chalna hai mujhe

koi hila wahshat-e-nakaami-e-zauq-e-talab

KHud ko ibn-ul-waqt ki surat badalna hai mujhe

toD bhi jis ka tere shatir KHayalon mein na ho

waqt tere sath aisi chaal chalna hai mujhe

ek zara si aur fursat ai fareb-e-dard-e-dil

gulshan-e-hasti mein gul ban kar mahakna hai mujhe