KHair se dil ko teri yaad se kuchh kaam to hai

ḳhair se dil ko tirī yaad se kuchh kaam to hai

vasl kī shab na sahī hijr kā hañgām to hai

nūr-e-aflāk se raushan ho shab-e-ġham ki na ho

chāñd tāroñ se mirā naama o paiġhām to hai

kam nahīñ ai dil-e-betāb matā-e-ummīd

dast-e-mai-ḳhvār meñ ḳhālī hī sahī jaam to hai

bām-e-ḳhurshīd se utre ki na utre koī sub.h

ḳhema-e-shab meñ bahut der se kohrām to hai

jo bhī ilzām mire ishq pe aayā ho 'na.īm'

un se vābasta kisī taur mirā naam to hai

KHair se dil ko teri yaad se kuchh kaam to hai

wasl ki shab na sahi hijr ka hangam to hai

nur-e-aflak se raushan ho shab-e-gham ki na ho

chand taron se mera nama o paigham to hai

kam nahin ai dil-e-betab mata-e-ummid

dast-e-mai-KHwar mein KHali hi sahi jam to hai

baam-e-KHurshid se utre ki na utre koi subh

KHema-e-shab mein bahut der se kohram to hai

jo bhi ilzam mere ishq pe aaya ho 'naim'

un se wabasta kisi taur mera nam to hai