KHala ke dasht se ab rishta apna qata karun
ḳhalā ke dasht se ab rishta apnā qat.a karūñ
safar tavīl hai behtar hai ghar ko lauT chalūñ
buland hotā hai jab jab bhī shor nāloñ kā
ḳhayāl aatā hai dil meñ ki maiñ bhī chīḳh paḌūñ
tumhāre hote hue log kyuuñ bhaTakte haiñ
kahīñ pe ḳhizr nazar aa.e to savāl karūñ
ma.aal jo bhī ho jis tarah bhī kaTe ye umr
tumhāre naaz uThā.ūñ tumhāre rañj sahūñ
adhūrī an-kahī be-rabt dāstān-e-hayāt
lahū se likh nahīñ saktā to āñsuoñ se likhūñ
KHala ke dasht se ab rishta apna qata karun
safar tawil hai behtar hai ghar ko lauT chalun
buland hota hai jab jab bhi shor nalon ka
KHayal aata hai dil mein ki main bhi chiKH paDun
tumhaare hote hue log kyun bhaTakte hain
kahin pe KHizr nazar aae to sawal karun
maal jo bhi ho jis tarah bhi kaTe ye umr
tumhaare naz uThaun tumhaare ranj sahun
adhuri an-kahi be-rabt dastan-e-hayat
lahu se likh nahin sakta to aansuon se likhun
- Book : Aank Mein Luknat (Pg. 48)
- Author : Ghazanfar
- Publication : Maktaba Jamia Ltd. (2015)
- Edition : 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
