KHala se kibriya tak ka safar tha aur hum the

ḳhalā se kibriyā tak kā safar thā aur ham the

thiraktā chaak thā ik kūza-gar thā aur ham the

tumhīñ ko dekhte guzre the ik sachchā.ī se ham

jahāñ āshob hī had-e-nazar thā aur ham the

baḌī mushkil se kī daryāft ham ne raġhbat-e-ġham

phir is ke baad to āsāñ safar thā aur ham the

guzārī umr ham ne ābiyārī meñ kisī kī

vo apnā ek kār-e-be-samar thā aur ham the

gaḌhī ho naal jis dar pe bulātī hai vo miTTī

yahī honā thā āḳhir phir vo dar thā aur ham the

KHala se kibriya tak ka safar tha aur hum the

thirakta chaak tha ek kuza-gar tha aur hum the

tumhin ko dekhte guzre the ek sachchai se hum

jahan aashob hi had-e-nazar tha aur hum the

baDi mushkil se ki daryaft hum ne raghbat-e-gham

phir is ke baad to aasan safar tha aur hum the

guzari umr hum ne aabiyari mein kisi ki

wo apna ek kar-e-be-samar tha aur hum the

gaDhi ho nal jis dar pe bulati hai wo miTTi

yahi hona tha aaKHir phir wo dar tha aur hum the