KHalish-e-tir-e-be-panah gai

ḳhalish-e-tīr-e-be-panāh ga.ī

lījiye un se rasm-o-rāh ga.ī

aap hī markaz-e-nigāh rahe

jaane ko chār-sū nigāh ga.ī

sāmne be-naqāb baiThe haiñ

vaq.at-e-husn-e-mehr-o-māh ga.ī

us ne nazreñ uThā ke dekh liyā

ishq kī jur.at-e-nigāh ga.ī

intihā-e-junūñ mubārakbād

pursish-e-hāl gaah gaah ga.ī

mar miTe jald-bāz parvāne

apnī sī sham.a to nibāh ga.ī

dil meñ azm-e-haram sahī lekin

un ke kūche ko gar ye raah ga.ī

KHalish-e-tir-e-be-panah gai

lijiye un se rasm-o-rah gai

aap hi markaz-e-nigah rahe

jaane ko chaar-su nigah gai

samne be-naqab baiThe hain

waqat-e-husn-e-mehr-o-mah gai

us ne nazren uTha ke dekh liya

ishq ki jurat-e-nigah gai

intiha-e-junun mubarakbaad

pursish-e-haal gah gah gai

mar miTe jald-baz parwane

apni si shama to nibah gai

dil mein azm-e-haram sahi lekin

un ke kuche ko gar ye rah gai