KHalq ki KHalq chali aati hai maiKHane mein

ḳhalq kī ḳhalq chalī aatī hai maiḳhāne meñ

aisī kyā chiiz hai saaqī tire paimāne meñ

kaun kahtā hai gulistāñ hī meñ aatī hai bahār

phuul khilte hue dekhe ga.e vīrāne meñ

terī mahfil ke vo ādāb bajā laa.e kyā

itnī tahzīb kahāñ hai tire dīvāne meñ

lauT jā.eñge taḌap jā.eñge sunñe vaale

dard hai soz hai ġham hai mire afsāne meñ

sho.ala-e-sham.a se jalne kī nahīñ kuchh parvā

vaah kyā himmat-e-mardāna hai parvāne meñ

muḳhtalif Dhab se ibādat hai ḳhudā kī har jā

ka.aba-e-pāk meñ girjā meñ sanam-ḳhāne meñ

KHalq ki KHalq chali aati hai maiKHane mein

aisi kya chiz hai saqi tere paimane mein

kaun kahta hai gulistan hi mein aati hai bahaar

phul khilte hue dekhe gae virane mein

teri mahfil ke wo aadab baja lae kya

itni tahzib kahan hai tere diwane mein

lauT jaenge taDap jaenge sunne wale

dard hai soz hai gham hai mere afsane mein

shoala-e-shama se jalne ki nahin kuchh parwa

wah kya himmat-e-mardana hai parwane mein

muKHtalif Dhab se ibaadat hai KHuda ki har ja

kaba-e-pak mein girja mein sanam-KHane mein