KHalwati-e-KHayal ko hosh mein koi lae kyun

ḳhalvati-e-ḳhayāl ko hosh meñ koī laa.e kyuuñ

shola-e-tūr hī sahī ham se nazar milā.e kyuuñ

ham se kuchh aur hī kahā un se kuchh aur kah diyā

bād-e-sabā ye kyā kiyā tū ne ye gul khilā.e kyuuñ

qais kā hāsil-e-junūñ naaqa o mahmil o hijāb

lailā-e-najd-āshnā ḳhalvat-e-dil meñ aa.e kyuuñ

aql harīs-e-ḳhār-o-ḳhas sūrat-e-shola-e-havas

daulat-e-soz-e-jāvedāñ aql ke haath aa.e kyuuñ

gardish-e-mehr-o-māh bhī gardish-e-jām ban ga.ī

sub.h na laḌkhaḌā.e kyuuñ shaam na jhuum jaa.e kyuuñ

tālib-e-hujla-e-bahār dasht-e-talab hai ḳhārzār

vaqt kisī kī raah meñ masnad-e-gul bichhā.e kyuuñ

hashr meñ husn se 'ravish' shikva-e-rū-ba-rū ġhalat

roz-e-azal kī baat hai aaj hī yaad aa.e kyuuñ

KHalwati-e-KHayal ko hosh mein koi lae kyun

shola-e-tur hi sahi hum se nazar milae kyun

hum se kuchh aur hi kaha un se kuchh aur kah diya

baad-e-saba ye kya kiya tu ne ye gul khilae kyun

qais ka hasil-e-junun naqa o mahmil o hijab

laila-e-najd-ashna KHalwat-e-dil mein aae kyun

aql haris-e-KHar-o-KHas surat-e-shola-e-hawas

daulat-e-soz-e-jawedan aql ke hath aae kyun

gardish-e-mehr-o-mah bhi gardish-e-jam ban gai

subh na laDkhaDae kyun sham na jhum jae kyun

talib-e-hujla-e-bahaar dasht-e-talab hai KHarzar

waqt kisi ki rah mein masnad-e-gul bichhae kyun

hashr mein husn se 'rawish' shikwa-e-ru-ba-ru ghalat

roz-e-azal ki baat hai aaj hi yaad aae kyun