KHarab-o-KHasta hue KHak mein shabab mila

ḳharāb-o-ḳhasta hue ḳhaak meñ shabāb milā

hameñ ye dil na milā jaan kā azaab milā

kisī kī yaad meñ be-shubah be-qarār hai tū

ki aaj hai tirī shoḳhī meñ iztirāb milā

sharāb pī to gunahgār maiñ huā vaa.iz

burā.ī kī jo mirī tujh ko kyā savāb milā

mile vo aish-e-guzishta bhī ai ḳhudā mujh ko

bahisht meñ jo dobāra mujhe shabāb milā

baḌī karīm hai pīr-e-muġhāñ kī bhī sarkār

ki jab milā mujhe sāġhar alal-hisāb milā

kuchh aarzū na rahī tark-e-ārzū ke sivā

mire savāl kā aisā mujhe javāb milā

gayā jo dil to milā dāġh-e-ārzū mujh ko

ik āftāb jo khoyā ik āftāb milā

'hafīz' tum ko vo nākām-e-vasl kahte haiñ

burā na maano ye achchhā tumheñ ḳhitāb milā

KHarab-o-KHasta hue KHak mein shabab mila

hamein ye dil na mila jaan ka azab mila

kisi ki yaad mein be-shubah be-qarar hai tu

ki aaj hai teri shoKHi mein iztirab mila

sharab pi to gunahgar main hua waiz

burai ki jo meri tujh ko kya sawab mila

mile wo aish-e-guzishta bhi ai KHuda mujh ko

bahisht mein jo dobara mujhe shabab mila

baDi karim hai pir-e-mughan ki bhi sarkar

ki jab mila mujhe saghar alal-hisab mila

kuchh aarzu na rahi tark-e-arzu ke siwa

mere sawal ka aisa mujhe jawab mila

gaya jo dil to mila dagh-e-arzu mujh ko

ek aaftab jo khoya ek aaftab mila

'hafiz' tum ko wo nakaam-e-wasl kahte hain

bura na mano ye achchha tumhein KHitab mila