KHat ki ruKHsar par siyahi hai

ḳhat kī ruḳhsār par siyāhī hai

chashm-e-ḳhvābīda ḳhush-nigāhī hai

'ishq kā hai ġhubār-e-nāla 'urūj

āsmāñ auj-e-taḳht-e-shāhī hai

kyuuñ na ho andalīb garm-e-fuġhāñ

bū-e-gul har taraf ko raahī hai

ashk-e-hasrat hai aaj tūfāñ-ḳhez

kashtī-e-chashm kī tabāhī hai

huuñ giraftār aap apnā maiñ

halqa-e-fals dām-e-māhī hai

chashm-e-jānāñ kā ro.ab abrū hai

teġh se saulat-e-sipāhī hai

marg merā hai zabt-e-girya 'vaqār'

aab āb-e-hayāt-e-māhī hai

KHat ki ruKHsar par siyahi hai

chashm-e-KHwabida KHush-nigahi hai

'ishq ka hai ghubar-e-nala 'uruj

aasman auj-e-taKHt-e-shahi hai

kyun na ho andalib garm-e-fughan

bu-e-gul har taraf ko rahi hai

ashk-e-hasrat hai aaj tufan-KHez

kashti-e-chashm ki tabahi hai

hun giraftar aap apna main

halqa-e-fals dam-e-mahi hai

chashm-e-jaanan ka roab abru hai

tegh se saulat-e-sipahi hai

marg mera hai zabt-e-girya 'waqar'

aab aab-e-hayat-e-mahi hai