KHata qubul nahin hai to KHud KHata kar dekh

ḳhatā qubūl nahīñ hai to ḳhud ḳhatā kar dekh

yā ek baar barābar meñ mere aa kar dekh

ye merā sabr hai ye mujh pise hue kā sabr

ḳhudā-e-qahr tū aa qahr aazmā kar dekh

ġhurūr vaar diyā maiñ ne fī-sabīlil-ishq

ai ishq tū bhī to ab thoḌā hausla kar dekh

maiñ dil kā achchhā huuñ lekin zarā sā huuñ gustāḳh

tū ek baar mujhe siine se lagā kar dekh

tū aazmā to chukā hai ye saare makr-o-fareb

bas ab azān-e-mohabbat zabāñ pe lā kar dekh

vo kuchh batāne se shāyad jhijaktī hogī 'vaqār'

tū ek baar use naam se bulā kar dekh

KHata qubul nahin hai to KHud KHata kar dekh

ya ek bar barabar mein mere aa kar dekh

ye mera sabr hai ye mujh pise hue ka sabr

KHuda-e-qahr tu aa qahr aazma kar dekh

ghurur war diya main ne fi-sabilil-ishq

ai ishq tu bhi to ab thoDa hausla kar dekh

main dil ka achchha hun lekin zara sa hun gustaKH

tu ek bar mujhe sine se laga kar dekh

tu aazma to chuka hai ye sare makr-o-fareb

bas ab azan-e-mohabbat zaban pe la kar dekh

wo kuchh batane se shayad jhijakti hogi 'waqar'

tu ek bar use nam se bula kar dekh