KHatar hai rishta-e-ulfat rag-e-gardan na ho jawe

ḳhatar hai rishta-e-ulfat rag-e-gardan na ho jaave

ġhurūr-e-dostī aafat hai tū dushman na ho jaave

samajh is fasl meñ kotāhi-e-nashv-o-numā 'ġhālib'

agar gul sarv ke qāmat pe pairāhan na ho jaave

ba-pās-e-shoḳhī-e-mizhgāñ sar-e-har-ḳhār sozan hai

tabassum barg-e-gul ko baḳhiya-e-dāman na ho jaave

jarāhat-dozī-e-'āshiq hai jā-e-rahm Dartā huuñ

ki rishta tār-e-ashk-e-dīda-e-sozan na ho jaave

ġhazab sharm-āfrīñ hai rang-rezī hā-e-ḳhud-benī

safedī ā.īne kī pamba-e-rauzan na ho jaave

KHatar hai rishta-e-ulfat rag-e-gardan na ho jawe

ghurur-e-dosti aafat hai tu dushman na ho jawe

samajh is fasl mein kotahi-e-nashw-o-numa 'ghaalib'

agar gul sarw ke qamat pe pairahan na ho jawe

ba-pas-e-shoKHi-e-mizhgan sar-e-har-KHar sozan hai

tabassum barg-e-gul ko baKHiya-e-daman na ho jawe

jarahat-dozi-e-'ashiq hai ja-e-rahm Darta hun

ki rishta tar-e-ashk-e-dida-e-sozan na ho jawe

ghazab sharm-afrin hai rang-rezi ha-e-KHud-beni

safedi aaine ki pamba-e-rauzan na ho jawe