KHauf-o-wahshat bar-sar-e-bazar rakh jata hai kaun
KHauf-o-wahshat bar-sar-e-bazar rakh jata hai kaun
Abdussamad ’Tapish’
MORE BYAbdussamad ’Tapish’
ḳhauf-o-vahshat bar-sar-e-bāzār rakh jaatā hai kaun
yuuñ rag-e-ehsās par talvār rakh jaatā hai kaun
kyuuñ vo milne se gurezāñ is qadar hone lage
mere un ke darmiyāñ dīvār rakh jaatā hai kaun
mimbar-o-mehrāb se ātish-fishāñ hote to haiñ
vaqt kī dahlīz par dastār rakh jaatā hai kaun
bas ḳhudā ġhāfil nahīñ hai varna is mañjdhār meñ
merī kashtī ke liye patvār rakh jaatā hai kaun
ye mirā zauq-e-safar hai varna aisī dhuup meñ
har qadam par ik shajar chhitnār rakh jaatā hai kaun
dil baḌī nāzuk sī shai hai un se itnā pūchhiye
TuuTe shīshoñ kā yahāñ ambār rakh jaatā hai kaun
tīrgī apnā muqaddar likh chukī phir bhī 'tapish'
aa.ine meñ ik ġhalat pindār rakh jaatā hai kaun
KHauf-o-wahshat bar-sar-e-bazar rakh jata hai kaun
yun rag-e-ehsas par talwar rakh jata hai kaun
kyun wo milne se gurezan is qadar hone lage
mere un ke darmiyan diwar rakh jata hai kaun
mimbar-o-mehrab se aatish-fishan hote to hain
waqt ki dahliz par dastar rakh jata hai kaun
bas KHuda ghafil nahin hai warna is manjdhaar mein
meri kashti ke liye patwar rakh jata hai kaun
ye mera zauq-e-safar hai warna aisi dhup mein
har qadam par ek shajar chhitnar rakh jata hai kaun
dil baDi nazuk si shai hai un se itna puchhiye
TuTe shishon ka yahan ambar rakh jata hai kaun
tirgi apna muqaddar likh chuki phir bhi 'tapish'
aaine mein ek ghalat pindar rakh jata hai kaun
- Book : Mata-e-Aainda (Pg. 24)
- Author : Abdussamad Tapish
- Publication : Abdussamad Tapish (2000)
- Edition : 2000
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
