KHayal-e-marg baDi shai hai zindagi ke liye

ḳhayāl-e-marg baḌī shai hai zindagī ke liye

añdherā jaise zarūrī hai raushnī ke liye

sukūñ kī bhiik na māñgeñge chashm-e-lutf se ham

gadā baneñge na do din kī zindagī ke liye

junūñ ne rāz-e-haqīqat to pā liyā lekin

ḳhudā ko kho diyā zauq-e-ḳhud-āgahī ke liye

bajā ki rāh-numā rāhzan nahīñ lekin

musāfir ab bhī taraste haiñ rah-ravī ke liye

jo terī chashm-e-tavajjoh pe ho gayā qurbāñ

vo ġham bhī kitnā zarūrī thā zindagī ke liye

ye dil ġhamoñ se hai ma.amūr ai ḳhayāl-e-nashāt

kahāñ se ā.eñgī gunjā.isheñ ḳhushī ke liye

saheñge ġham ke liye jabr-e-zindagī lekin

nazar na ġham se bachā.eñge zindagī ke liye

ḳhulūs-e-dil ke tajassus meñ kho.e ham 'muḳhtār'

nazar paḌī bhī to dushman pe dostī ke liye

KHayal-e-marg baDi shai hai zindagi ke liye

andhera jaise zaruri hai raushni ke liye

sukun ki bhik na mangenge chashm-e-lutf se hum

gada banenge na do din ki zindagi ke liye

junun ne raaz-e-haqiqat to pa liya lekin

KHuda ko kho diya zauq-e-KHud-agahi ke liye

baja ki rah-numa rahzan nahin lekin

musafir ab bhi taraste hain rah-rawi ke liye

jo teri chashm-e-tawajjoh pe ho gaya qurban

wo gham bhi kitna zaruri tha zindagi ke liye

ye dil ghamon se hai mamur ai KHayal-e-nashat

kahan se aaengi gunjaishen KHushi ke liye

sahenge gham ke liye jabr-e-zindagi lekin

nazar na gham se bachaenge zindagi ke liye

KHulus-e-dil ke tajassus mein khoe hum 'muKHtar'

nazar paDi bhi to dushman pe dosti ke liye