KHayal-e-yar ka sikka uchhaalne mein gaya

ḳhayāl-e-yār kā sikka uchhālne meñ gayā

junūñ ḳharīta-e-zar thā sambhālne meñ gayā

lahū jigar kā huā sarf-e-rañg-e-dast-e-hinā

jo saudā sar meñ thā sahrā khañgālne meñ gayā

gurez-pā thā bahut husn-pāra-e-hastī

so arsa umr kā zanjīr Dālne meñ gayā

nihāl yādoñ kī chāñdī meñ shab to din saarā

kisī ke zikr kā sonā uchhālne meñ gayā

thī dast-gāh bayāñ par magar kamāl-e-hunar

ġham-e-hayāt ke qissoñ ko Tālne meñ gayā

KHayal-e-yar ka sikka uchhaalne mein gaya

junun KHarita-e-zar tha sambhaalne mein gaya

lahu jigar ka hua sarf-e-rang-e-dast-e-hina

jo sauda sar mein tha sahra khangalne mein gaya

gurez-pa tha bahut husn-para-e-hasti

so arsa umr ka zanjir Dalne mein gaya

nihaal yaadon ki chandi mein shab to din sara

kisi ke zikr ka sona uchhaalne mein gaya

thi dast-gah bayan par magar kamal-e-hunar

gham-e-hayat ke qisson ko Talne mein gaya