KHayal-e-yar ki galiyon se jab guzarte hain

ḳhayāl-e-yār kī galiyoñ se jab guzarte haiñ

na.e ġhurūr se furqat ke daaġh jalte haiñ

namī hai aañkh meñ go ki tumhārī yādoñ kī

isī bahāne ka.ī aur ġham baraste haiñ

visāl-e-yār kā mausam thā merī chūḌī thī

kalā.iyoñ pe abhī tak vo pal dhaḌakte haiñ

nigāh-e-yār ko kaise ġhazal karūñgī maiñ

ki us ke dekhne se qāfiye bahakte haiñ

hazār saal tavālat hai is judā.ī kī

hazār aañkh meñ aañsū abhī sulagte haiñ

hamāre baam pe ruktā hai is tasalsul se

purāne dard na.e chāñd meñ damakte haiñ

vo merī pahlī mohabbat kā aks hai 'nīlam'

usī pe harf-e-mohabbat tamām karte haiñ

KHayal-e-yar ki galiyon se jab guzarte hain

nae ghurur se furqat ke dagh jalte hain

nami hai aankh mein go ki tumhaari yaadon ki

isi bahane kai aur gham baraste hain

visal-e-yar ka mausam tha meri chuDi thi

kalaiyon pe abhi tak wo pal dhaDakte hain

nigah-e-yar ko kaise ghazal karungi main

ki us ke dekhne se qafiye bahakte hain

hazar sal tawalat hai is judai ki

hazar aankh mein aansu abhi sulagte hain

hamare baam pe rukta hai is tasalsul se

purane dard nae chand mein damakte hain

wo meri pahli mohabbat ka aks hai 'nilam'

usi pe harf-e-mohabbat tamam karte hain