KHayal hai ki haqiqat hai ya fasana hai

ḳhayāl hai ki haqīqat hai yā fasāna hai

vo nīstī ho ki hastī tilism-ḳhāna hai

nazar kā farq man-o-tū kā farq hai shāyad

vahī sarāb vahī ganj-e-āb-o-dāna hai

jo Thahr jaa.e to hai tausan-e-ḳhayāl koī

jo rau meñ ho to ye sūrat-gar-e-zamāna hai

fasād-e-hirs nahīñ qasr-e-shahr tak mahdūd

ki is lapeT meñ aalam kā kārḳhāna hai

mujhe to yuuñ bhī ḳharāb-e-shabāb honā thā

tire jamāl kā jaadū to ik bahāna hai

diloñ kā rabt nahīñ be-takallufī hai ye

kabhī kabhī kī mulāqāt dostāna hai

KHayal hai ki haqiqat hai ya fasana hai

wo nisti ho ki hasti tilism-KHana hai

nazar ka farq man-o-tu ka farq hai shayad

wahi sarab wahi ganj-e-ab-o-dana hai

jo Thahr jae to hai tausan-e-KHayal koi

jo rau mein ho to ye surat-gar-e-zamana hai

fasad-e-hirs nahin qasr-e-shahr tak mahdud

ki is lapeT mein aalam ka karKHana hai

mujhe to yun bhi KHarab-e-shabab hona tha

tere jamal ka jadu to ek bahana hai

dilon ka rabt nahin be-takallufi hai ye

kabhi kabhi ki mulaqat dostana hai