KHayal-o-KHwab ki duniya kahan hai

ḳhayāl-o-ḳhvāb kī duniyā kahāñ hai

tirī āñkheñ tirā chehrā kahāñ hai

ham apne shauq meñ Duube hue haiñ

hamāre shahr meñ dariyā kahāñ hai

to saarī justujū hī rā.egāñ thī

vo ik lamha rifāqat kā kahāñ hai

har ik taare se jā kar pūchhtā huuñ

ye sūraj raat ko jaatā kahāñ hai

ye kaisā shor hai dīvār-o-dar kā

hamāre ghar meñ vo rahtā kahāñ hai

abhī rusvā.iyāñ to aur hoñgī

abhī ham ne use sochā kahāñ hai

agar ham ret kī dīvār the to

hamāre jism kā malba kahāñ hai

talab ke rāste par aa gayā huuñ

batāo ab mujhe jaanā kahāñ hai

muhalle-dār sab ārām se haiñ

mire ham-sā.e kā kuttā kahāñ hai

ye ham jo 'qais' haiñ bas naam ke haiñ

hamāre sar meñ vo saudā kahāñ hai

KHayal-o-KHwab ki duniya kahan hai

teri aankhen tera chehra kahan hai

hum apne shauq mein Dube hue hain

hamare shahr mein dariya kahan hai

to sari justuju hi raegan thi

wo ek lamha rifaqat ka kahan hai

har ek tare se ja kar puchhta hun

ye suraj raat ko jata kahan hai

ye kaisa shor hai diwar-o-dar ka

hamare ghar mein wo rahta kahan hai

abhi ruswaiyan to aur hongi

abhi hum ne use socha kahan hai

agar hum ret ki diwar the to

hamare jism ka malba kahan hai

talab ke raste par aa gaya hun

batao ab mujhe jaana kahan hai

muhalle-dar sab aaram se hain

mere ham-sae ka kutta kahan hai

ye hum jo 'qais' hain bas nam ke hain

hamare sar mein wo sauda kahan hai