KHayal-o-KHwab tak taza rahenge jo bhi hoga

ḳhayāl-o-ḳhvāb tak taaza raheñge jo bhī hogā

jiyeñge aur tirī ḳhātir mareñge jo bhī hogā

tirī nārāzgī bhī ḳhatm karnī hai abhī to

tamāshā saadh kar joker baneñge jo bhī hogā

tumhāre bin guzārā hai to mushkil yaar phir bhī

kisī sūrat bhī lekin ham kareñge jo bhī hogā

tirī yādoñ ke jalte diip haiñ in tāqchoñ meñ

diyoñ ko har ghaḌī raushan rakheñge jo bhī hogā

mohabbat ke nahīñ ye āshiqī ke diin par haiñ

ye dariyā aise hī ulTe baheñge jo bhī hogā

ye marnā mārnā vaise lagā rahnā hai ham meñ

vatan par jaan ham de kar mareñge jo bhī hogā

sunā hai 'kāmil' aayā hai abhī dasht-e-junūñ se

chalo ham bhī use milne chaleñge jo bhī hogā

KHayal-o-KHwab tak taza rahenge jo bhi hoga

jiyenge aur teri KHatir marenge jo bhi hoga

teri naraazgi bhi KHatm karni hai abhi to

tamasha sadh kar joker banenge jo bhi hoga

tumhaare bin guzara hai to mushkil yar phir bhi

kisi surat bhi lekin hum karenge jo bhi hoga

teri yaadon ke jalte dip hain in taqchon mein

diyon ko har ghaDi raushan rakhenge jo bhi hoga

mohabbat ke nahin ye aashiqi ke din par hain

ye dariya aise hi ulTe bahenge jo bhi hoga

ye marna marna waise laga rahna hai hum mein

watan par jaan hum de kar marenge jo bhi hoga

suna hai 'kaamil' aaya hai abhi dasht-e-junun se

chalo hum bhi use milne chalenge jo bhi hoga