KHayal yar mujhe jab lahu rulane laga

ḳhayāl yaar mujhe jab lahū rulāne lagā

to zaḳhm zaḳhm mire dil kā muskurāne lagā

mujhe ḳhud apnī vafā par bhī e'timād nahīñ

maiñ kyuuñ tumhārī mohabbat ko āzmāne lagā

kiyā hai yaad mujhe mere ba.ad duniyā ne

huā jo ġharq to sāhil qarīb aane lagā

na chhīn mujh se surūr-e-shab-e-firāq na chhīn

qarār-e-dil ko na dastak ke tāziyāne lagā

misāl apnī to hai is daraḳht kī ki jise

lagā jo sañg to badle meñ phal girāne lagā

har ek samt riyā kī tamāzateñ haiñ 'asad'

jo ho sake to mohabbat ke shāmiyāne lagā

KHayal yar mujhe jab lahu rulane laga

to zaKHm zaKHm mere dil ka muskurane laga

mujhe KHud apni wafa par bhi e'timad nahin

main kyun tumhaari mohabbat ko aazmane laga

kiya hai yaad mujhe mere baad duniya ne

hua jo gharq to sahil qarib aane laga

na chhin mujh se surur-e-shab-e-firaq na chhin

qarar-e-dil ko na dastak ke taziyane laga

misal apni to hai is daraKHt ki ki jise

laga jo sang to badle mein phal girane laga

har ek samt riya ki tamazaten hain 'asad'

jo ho sake to mohabbat ke shamiyane laga