KHirad ki fitna-samani jo pahle thi wo ab bhi hai

ḳhirad kī fitna-sāmānī jo pahle thī vo ab bhī hai

mire dil kī pareshānī jo pahle thī vo ab bhī hai

uḌā diiñ dhajjiyāñ qānūn-e-tāzīrāt kī ham ne

jarā.em kī farāvānī jo pahle thī vo ab bhī hai

ġharīboñ ke gharoñ meñ ek bhī raunaq nahīñ baaqī

bahār-e-qasr-e-sultānī jo pahle thī vo ab bhī hai

nazar aatī haiñ har jānib na.ī ābādiyāñ lekin

diloñ kī ḳhāna-vīrānī jo pahle thī vo ab bhī hai

agarche ahl-e-zar ta.amīr ke va.ade to karte haiñ

magar taḳhrīb-sāmān.ī jo pahle thī vo ab bhī hai

tabassum hai laboñ par yā tabassum kā janāza hai

diloñ kī marsiya-ḳhvānī jo pahle thī vo ab bhī hai

ġharīboñ ke lahū se qumqume raushan haiñ mahloñ ke

havas kī zulm-sāmānī jo pahle thī vo ab bhī hai

kahīñ sūba-parastī hai kahīñ firqa-parastī hai

vahī tafrīq-e-insānī jo pahle thī vo ab bhī hai

ġhulāmī aaj bhī hai aur āqā.ī kī sūrat meñ

adā-e-jabr-e-sultānī jo pahle thī vo ab bhī hai

hai 'rūmī' ḳhush-navā be-shak ho koī bhī yahāñ unvāñ

adā shān-e-ġhazal-ḳhvānī jo pahle thī vo ab bhī hai

KHirad ki fitna-samani jo pahle thi wo ab bhi hai

mere dil ki pareshani jo pahle thi wo ab bhi hai

uDa din dhajjiyan qanun-e-taziraat ki hum ne

jaraem ki farawani jo pahle thi wo ab bhi hai

gharibon ke gharon mein ek bhi raunaq nahin baqi

bahaar-e-qasr-e-sultani jo pahle thi wo ab bhi hai

nazar aati hain har jaanib nai aabaadiyan lekin

dilon ki KHana-virani jo pahle thi wo ab bhi hai

agarche ahl-e-zar tamir ke wade to karte hain

magar taKHrib-samani jo pahle thi wo ab bhi hai

tabassum hai labon par ya tabassum ka janaza hai

dilon ki marsiya-KHwani jo pahle thi wo ab bhi hai

gharibon ke lahu se qumqume raushan hain mahlon ke

hawas ki zulm-samani jo pahle thi wo ab bhi hai

kahin suba-parasti hai kahin firqa-parasti hai

wahi tafriq-e-insani jo pahle thi wo ab bhi hai

ghulami aaj bhi hai aur aaqai ki surat mein

ada-e-jabr-e-sultani jo pahle thi wo ab bhi hai

hai 'rumi' KHush-nawa be-shak ho koi bhi yahan unwan

ada shan-e-ghazal-KHwani jo pahle thi wo ab bhi hai