KHizan ka jo gulshan se paD jae pala

Saail Dehlvi

KHizan ka jo gulshan se paD jae pala

Saail Dehlvi

MORE BY Saail Dehlvi

    ḳhizāñ jo gulshan se paḌ jaa.e paalā

    to sehn-e-chaman meñ na gul ho na laala

    liyā tere āshiq ne barsoñ sambhālā

    bahut kar gayā marne vaalā kasālā

    pa.e-fāteha haath uThāvegā koī

    sar-e-turbat-e-bekasāñ aane vaalā

    isī girya ke taar se merī āñkheñ

    banā deñgī naddī bahā deñgī naalā

    biThā kar tumheñ sham.a ke paas dekhā

    tum āñkhoñ putlī vo ghar ujālā

    ḳhat-e-shauq ko paḌh ke qāsid se bole

    ye hai kaun dīvāna ḳhat likhne vaalā

    diyā hukm saaqī ko pīr-e-muġhāñ ne

    pai-e-muhtasib jām-o-mīnā uThā

    ye sunte mai-ḳhvār bole ḳhushī se

    hamīñ hai ye nek allāh vaalā

    haqīqat meñ 'sā.il' ne zauq-e-adab se

    jahāñ tak uchhālā gayā naam uchhālā

    KHizan ka jo gulshan se paD jae pala

    to sehn-e-chaman mein na gul ho na lala

    liya tere aashiq ne barson sambhaala

    bahut kar gaya marne wala kasala

    pae-fateha hath uThawega koi

    sar-e-turbat-e-bekasan aane wala

    isi girya ke tar se meri aankhen

    bana dengi naddi baha dengi nala

    biTha kar tumhein shama ke pas dekha

    tum aankhon ki putli wo ghar ka ujala

    KHat-e-shauq ko paDh ke qasid se bole

    ye hai kaun diwana KHat likhne wala

    diya hukm saqi ko pir-e-mughan ne

    pai-e-muhtasib jam-o-mina uTha la

    ye sunte hi mai-KHwar bole KHushi se

    hamin sa hai ye nek allah wala

    haqiqat mein 'sail' ne zauq-e-adab se

    jahan tak uchhaala gaya nam uchhaala

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY