KHizan ka koi wajud hai na chaman mein rang-e-bahaar hai

ḳhizāñ kā koī vajūd hai na chaman meñ rañg-e-bahār hai

jise jāntā hai tū kārvāñ vo tirī nazar kā ġhubār hai

na jamāl meñ haiñ latāfateñ na latāfatoñ meñ hai be-ḳhudī

ye junūn-e-ishq kā bhuut hai jo bashar ke sar pe savār hai

mujhe be-niyāz-e-alam na kar mujhe be-nasīb-e-sitam na kar

mire ġham kī lazzat-e-jāvedāñ mirī zindagī kī bahār hai

ye nahīñ nashāt kā zamzama ise gosh-e-hosh se sun zarā

mire sāz-e-dil kī sadā nahīñ mirī be-kasī kī pukār hai

mujhe zindagī kī duā na de mujhe aisī saḳht sazā na de

mujhe dekh aa ke qarīb-tar mirā har nafas mujhe baar hai

hai ḳhabar asiir rihā hue haiñ faroġh daur-e-bahār meñ

chalo 'raaj ham bhī chale chaleñ ki chaman meñ urs-e-bahār hai

KHizan ka koi wajud hai na chaman mein rang-e-bahaar hai

jise jaanta hai tu karwan wo teri nazar ka ghubar hai

na jamal mein hain latafaten na latafaton mein hai be-KHudi

ye junun-e-ishq ka bhut hai jo bashar ke sar pe sawar hai

mujhe be-niyaz-e-alam na kar mujhe be-nasib-e-sitam na kar

mere gham ki lazzat-e-jawedan meri zindagi ki bahaar hai

ye nahin nashat ka zamzama ise gosh-e-hosh se sun zara

mere saz-e-dil ki sada nahin meri be-kasi ki pukar hai

mujhe zindagi ki dua na de mujhe aisi saKHt saza na de

mujhe dekh aa ke qarib-tar mera har nafas mujhe bar hai

hai KHabar asir riha hue hain farogh daur-e-bahaar mein

chalo 'raj hum bhi chale chalen ki chaman mein urs-e-bahaar hai