KHizan ke hosh kisi rose main uData hua

ḳhizāñ ke hosh kisī roz maiñ uḌātā huā

tumheñ dikhūñgā yaqīnan bahār laatā huā

tamām vaar mirī ruuh par the lekin maiñ

tamām umr phirā jism ko bachātā huā

ḳhushī se karnā ravāna mire makāñ mujh ko

maiñ haar jā.ūñ agar vahshateñ harātā huā

bahut udaas akelā hamesha lauTā kyuuñ

falak pe jo bhī dikhā mujh ko jagmagātā huā

mujhe bulāne makāñ aa na jaa.e sahrā tak

maiñ ghar se aayā to huuñ naqsh-e-pā miTātā huā

tumhārī yaad hai bikhrī paḌī ka.ī din se

laraz rahā huuñ maiñ apne hī ghar meñ aatā huā

hai ik ġharīb ke bachche sī zindagī apnī

ḳhushī kā parb bhī guzre jise rulātā huā

ye tere lams kā jaadū hai yā vafā merī

badan se aa gayā bāhar gale lagātā huā

KHizan ke hosh kisi roz main uData hua

tumhein dikhunga yaqinan bahaar lata hua

tamam war meri ruh par the lekin main

tamam umr phira jism ko bachata hua

KHushi se karna rawana mere makan mujh ko

main haar jaun agar wahshaten haraata hua

bahut udas akela hamesha lauTa kyun

falak pe jo bhi dikha mujh ko jagmagata hua

mujhe bulane makan aa na jae sahra tak

main ghar se aaya to hun naqsh-e-pa miTata hua

tumhaari yaad hai bikhri paDi kai din se

laraz raha hun main apne hi ghar mein aata hua

hai ek gharib ke bachche si zindagi apni

KHushi ka parb bhi guzre jise rulata hua

ye tere lams ka jadu hai ya wafa meri

badan se aa gaya bahar gale lagata hua