KHizan ne sataya na Khaaron ne luTa

ḳhizāñ ne satāyā na ḳhāroñ ne luuTā

guloñ ne diye dukh bahāroñ ne luuTā

falāhī riyāsat kā naqsha dikhā kar

ġharīboñ ko sarmāya-kāroñ ne luuTā

jo islām ke naam par chal rahe the

mazā un siyāsī idāroñ ne luuTā

kaḌe vaqt par kaam aanā thā jin ko

vatan ko unhīñ jāñ-nisāroñ ne lauTā

tujhe qāzi-e-shahr kaise batā.ūñ

mirā ghar mire pahra-dāroñ ne luuTā

ba-zāhir the rahbar pas-e-parda rahzan

qayādat ko ummīd-vāroñ ne luuTā

jo imdād tūfāñ ke māroñ ko aa.ī

use ḳhuub taqsīm-kāroñ ne luuTā

kabhī sochtī huuñ ki qaumī ḳhazāna

vazāhat-talab goshvāroñ ne luuTā

haqīqat to ye hai ki mere vatan ko

vatan dost taḳhrīb-kāroñ ne luuTā

talātum meñ pahle hī jo luT chuke the

ai 'rūmī' unheñ phir kināroñ ne luuTā

KHizan ne sataya na KHaron ne luTa

gulon ne diye dukh bahaaron ne luTa

falahi riyasat ka naqsha dikha kar

gharibon ko sarmaya-karon ne luTa

jo islam ke nam par chal rahe the

maza un siyasi idaron ne luTa

kaDe waqt par kaam aana tha jin ko

watan ko unhin jaan-nisaron ne lauTa

tujhe qazi-e-shahr kaise bataun

mera ghar mere pahra-daron ne luTa

ba-zahir the rahbar pas-e-parda rahzan

qayaadat ko ummid-waron ne luTa

jo imdad tufan ke maron ko aai

use KHub taqsim-karon ne luTa

kabhi sochti hun ki qaumi KHazana

wazahat-talab goshwaron ne luTa

haqiqat to ye hai ki mere watan ko

watan dost taKHrib-karon ne luTa

talatum mein pahle hi jo luT chuke the

ai 'rumi' unhen phir kinaron ne luTa