kho baiThi hai sare KHad-o-Khaal apni ye duniya

kho baiThī hai saare ḳhad-o-ḳhāl apnī ye duniyā

ab to hai faqat ek dhamāl apnī ye duniyā

sadiyoñ kī sitam-dīda ġham-o-rañj se mā'mūr

kis darja hai zaḳhmoñ se niDhāl apnī ye duniyā

zor-āvarī-e-zulm hai is darja ki qātil

kahte haiñ ki hai un kā manāl apnī ye duniyā

kab tak ye tirā husn-e-taġhāful hai ḳhudā-yā

ik la.ib hai bar-dast-e-majāl apnī ye duniyā

ḳhūñ-rezi-e-ādam kā ye 'ālam hai ki ab to

lagtī hai bas ik gāh-e-qitāl apnī ye duniyā

kyuuñ ḳhūn-e-bashar ḳhūn-e-tamannā hai har ik samt

kyuuñ ḳhuuñ se huī jaatī hai laal apnī ye duniyā

hai ḳhaar kī mānind mirī ruuh meñ paivast

ye nīsh-e-ġham-o-dard ḳhayāl apnī ye duniyā

mānind-e-salīb is ko liye phirtā huuñ din raat

kāñdhoñ pe uThā.e ye vabāl apnī ye duniyā

ab mujh se sañbhaltī nahīñ ye dard kī sauġhāt

le tujh ko mubārak ho sañbhāl apnī ye duniyā

kho baiThi hai sare KHad-o-KHal apni ye duniya

ab to hai faqat ek dhamal apni ye duniya

sadiyon ki sitam-dida gham-o-ranj se ma'mur

kis darja hai zaKHmon se niDhaal apni ye duniya

zor-awari-e-zulm hai is darja ki qatil

kahte hain ki hai un ka manal apni ye duniya

kab tak ye tera husn-e-taghaful hai KHuda-ya

ek laib hai bar-dast-e-majal apni ye duniya

KHun-rezi-e-adam ka ye 'alam hai ki ab to

lagti hai bas ek gah-e-qital apni ye duniya

kyun KHun-e-bashar KHun-e-tamanna hai har ek samt

kyun KHun se hui jati hai lal apni ye duniya

hai KHar ki manind meri ruh mein paiwast

ye nish-e-gham-o-dard KHayal apni ye duniya

manind-e-salib is ko liye phirta hun din raat

kandhon pe uThae ye wabaal apni ye duniya

ab mujh se sanbhalti nahin ye dard ki saughat

le tujh ko mubarak ho sanbhaal apni ye duniya