kho ke dekha tha pa ke dekh liya
kho ke dekhā thā pā ke dekh liyā
har tarah dil dikhā ke dekh liyā
phir khule ibtidā-e-ishq ke baab
us ne phir muskurā ke dekh liyā
yaad kuchh bhī rahā na us ke sivā
ham ne us ko bhulā ke dekh liyā
zindagī ne ḳhushī ke dhoke meñ
rabt ġham se baḌhā ke dekh liyā
aise bichhḌe ki phir mile na kabhī
ḳhuub dāman chhuḌā ke dekh liyā
ḳhvāb mub.ham ḳhayāl be-ma.anī
rañj-e-dūrī uThā ke dekh liyā
kitne biite dinoñ kā ġham thā 'sahar'
aaj jis ne rulā ke dekh liyā
kho ke dekha tha pa ke dekh liya
har tarah dil dikha ke dekh liya
phir khule ibtida-e-ishq ke bab
us ne phir muskura ke dekh liya
yaad kuchh bhi raha na us ke siwa
hum ne us ko bhula ke dekh liya
zindagi ne KHushi ke dhoke mein
rabt gham se baDha ke dekh liya
aise bichhDe ki phir mile na kabhi
KHub daman chhuDa ke dekh liya
KHwab mubham KHayal be-mani
ranj-e-duri uTha ke dekh liya
kitne bite dinon ka gham tha 'sahar'
aaj jis ne rula ke dekh liya
- Book : Barg-e-Sahar (Pg. 21)
- Author : Abu Mohammad Sahar
- Publication : Maktaba-e-Adab (2002)
- Edition : 2002
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
