khol kar in siyah baalon ko

khol kar in siyāh bāloñ ko

rok do sub.h ke ujāloñ ko

tere qadmoñ ne sarfarāz kiyā

ek muddat ke pā.emāloñ ko

ik tabassum se umr bhar ke liye

raushnī de ga.e ḳhayāloñ ko

ham rahīn-e-ġham-e-hayāt rahe

maut aa.ī nasīb vāloñ ko

misl-e-najm-e-sahar larazte haiñ

dekhtā jā shikasta-hāloñ ko

'saif' jab vo nigāh yaad aa.ī

aag sī lag ga.ī ḳhayāloñ ko

khol kar in siyah baalon ko

rok do subh ke ujalon ko

tere qadmon ne sarfaraaz kiya

ek muddat ke paemalon ko

ek tabassum se umr bhar ke liye

raushni de gae KHayalon ko

hum rahin-e-gham-e-hayat rahe

maut aai nasib walon ko

misl-e-najm-e-sahar larazte hain

dekhta ja shikasta-haalon ko

'saif' jab wo nigah yaad aai

aag si lag gai KHayalon ko