khole hue gesu ho pareshan lago ho

khole hue gesū ho pareshān lago ho

is dil kī tarah tum bhī mirī jaan lago ho

dilbar ho dil-ārā ho dil-ārām ho phir bhī

tum āfat-e-jāñ maut kā sāmān lago ho

masjūd-e-tamanna ho ki ma.abūd-e-mohabbat

but-ḳhāna-e-dil kā mire armān lago ho

sajdoñ sā taḌap jaao ho peshānī-e-dil meñ

kāfir jo banā de hai vo īmān lago ho

tasvīr-e-taġhazzul bhī ho chehra bhī kitābī

aao nā paḌheñ tum mirā dīvān lago ho

phir shahr-e-tamannā meñ koī ḳhuun huā hai

ye baat na.ī hai jo pashemān lago ho

is zehn se guzre ho 'sahar' yuuñ to hamesha

tum kaun ho bhūlī huī pahchān lago ho

khole hue gesu ho pareshan lago ho

is dil ki tarah tum bhi meri jaan lago ho

dilbar ho dil-ara ho dil-aram ho phir bhi

tum aafat-e-jaan maut ka saman lago ho

masjud-e-tamanna ho ki mabud-e-mohabbat

but-KHana-e-dil ka mere arman lago ho

sajdon sa taDap jao ho peshani-e-dil mein

kafir jo bana de hai wo iman lago ho

taswir-e-taghazzul bhi ho chehra bhi kitabi

aao na paDhen tum mera diwan lago ho

phir shahr-e-tamanna mein koi KHun hua hai

ye baat nai hai jo pasheman lago ho

is zehn se guzre ho 'sahar' yun to hamesha

tum kaun ho bhuli hui pahchan lago ho