khoT ki mala jhuT jaTaen apne apne dhyan

khoT kī maalā jhuuT jaTā.eñ apne apne dhyān

apnā apnā mandir mimbar apne rab bhagvān

ghar jaane kī koī duujī raah nikālī jaa.e

aan ke rah meñ baiTh gayā hai ik jogī anjān

zaḳhmī sūraj zahr meñ bhīgī lo pyāse panchhī

TuuTī bikhrī hijr-galī meñ kuchh shāḳheñ be-jān

apne dukh kā ghūñT galā aur yaar ke aañsū oḌh

un āñkhoñ ke dard se baḌh kar kyā hogā nuqsān

siskī ko bahlā lenā hichkī ko sahlānā

umr gañvā kar miltā hai ye fan mere nādān

ḳhāmoshī kī kaThinā.ī meñ chup kī biptā meñ

us āvāz kā shahd ghule to mil jaa.e nirvān

jaanā dekh aanā kuchh rañg abhī bahtā hogā

shahr ke chaurāhe meñ kal ik ḳhvāb huā qurbān

ūñche nīche daa.eñ baa.eñ miTTī ke Tiile

āshāoñ ke sard badan bhītar kā qabristān

aayat aayat nuur kā paikar harf harf mahkār

do 'sīmāb' sifat hoñToñ par thī suura rahmān

khoT ki mala jhuT jaTaen apne apne dhyan

apna apna mandir mimbar apne rab bhagwan

ghar jaane ki koi duji rah nikali jae

aan ke rah mein baiTh gaya hai ek jogi anjaan

zaKHmi suraj zahr mein bhigi lo pyase panchhi

TuTi bikhri hijr-gali mein kuchh shaKHen be-jaan

apne dukh ka ghunT gala aur yar ke aansu oDh

un aankhon ke dard se baDh kar kya hoga nuqsan

siski ko bahla lena hichki ko sahlana

umr ganwa kar milta hai ye fan mere nadan

KHamoshi ki kaThinai mein chup ki bipta mein

us aawaz ka shahd ghule to mil jae nirwan

jaana dekh aana kuchh rang abhi bahta hoga

shahr ke chaurahe mein kal ek KHwab hua qurban

unche niche daen baen miTTi ke Tile

aashaon ke sard badan bhitar ka qabristan

aayat aayat nur ka paikar harf harf mahkar

do 'simab' sifat honTon par thi sura rahman