KHud apne ilm ki aankhon mein be-parda nahin aata

ḳhud apne 'ilm kī āñkhoñ meñ be-parda nahīñ aatā

bahut dekhā hai apne aap ko lekin nahīñ dekhā

agar hogā hamārā 'ilm apnī zaat par zaa.id

mumayyaz ḳhud-baḳhud ho jā.egā mash.hūd se shāhid

'adam kā apne mujh ko 'ilm hai ‘ilm-e-‘adam kyā hai

faqat mā'dūm kā mā'lūm honā kuchh na honā hai

ye mahsūsāt-o-mashhūdāt-o-mā'lūmāt kyā shai haiñ

tamāsha dekhne vāloñ ke dam se sab tamāshe haiñ

tan-e-be-jāñ hai 'ālam zindagī ham ne 'atā kī hai

haqīqat apnī ruuhī aur sūrat apnī ḳhākī hai

vo jaañ huuñ jism ke ek ek zarre meñ ravāñ huuñ maiñ

nahīñ huuñ maiñ kahāñ farmā.iye huuñ to kahāñ huuñ maiñ

vo ġhuncha huuñ ki tajziyye kī rāheñ band haiñ mujh par

vo nuqta huuñ ki jis kī sair hī kaunain kā mehvar

vo 'ālim huuñ ki apnī 'ilm kī āñkhoñ se ojhal huuñ

azal se huuñ abad tak huuñ musalsal huuñ mukammal huuñ

ye qaideñ mere hone par makānoñ kī zamānoñ kī

amānat merī hone meñ zamīnoñ āsmānoñ kī

KHud apne 'ilm ki aankhon mein be-parda nahin aata

bahut dekha hai apne aap ko lekin nahin dekha

agar hoga hamara 'ilm apni zat par zaid

mumayyaz KHud-baKHud ho jaega mashhud se shahid

'adam ka apne mujh ko 'ilm hai ‘ilm-e-‘adam kya hai

faqat ma'dum ka ma'lum hona kuchh na hona hai

ye mahsusat-o-mashhudat-o-ma'lumat kya shai hain

tamasha dekhne walon ke dam se sab tamashe hain

tan-e-be-jaan hai 'alam zindagi hum ne 'ata ki hai

haqiqat apni ruhi aur surat apni KHaki hai

wo jaan hun jism ke ek ek zarre mein rawan hun main

nahin hun main kahan farmaiye hun to kahan hun main

wo ghuncha hun ki tajziyye ki rahen band hain mujh par

wo nuqta hun ki jis ki sair hi kaunain ka mehwar

wo 'alim hun ki apni 'ilm ki aankhon se ojhal hun

azal se hun abad tak hun musalsal hun mukammal hun

ye qaiden mere hone par makanon ki zamanon ki

amanat meri hone mein zaminon aasmanon ki