KHud-farebi ki kisi had ko nahin manti hai

ḳhud-farebī kī kisī had ko nahīñ māntī hai

qāmat-e-shauq kisī qad ko nahīñ māntī hai

bū-e-gul ho ki havā ho ki mohabbat ki vabā

itnī sarkash hai ki sarhad ko nahīñ māntī hai

vo añdheroñ kā pujārī hai use kyā mālūm

raushnī raat kī aamad ko nahīñ māntī hai

koī sūrat dil-e-āvāra kī ye bechainī

kāḳh-e-yāqūt kī masnad ko nahīñ māntī hai

mustarad karte haiñ kuchh log ḳhudā ko bhī magar

ek duniyā hai jo is radd ko nahīñ māntī hai

ghoñsla shāḳh se girtā hai havā ke hāthoñ

usī chiḌiyā kā jo bargad ko nahīñ māntī hai

ye tirā nām-o-nasab dil ke na kaam aa.egā

ye mohabbat hai kisī had ko nahīñ māntī hai

ek sailāb umañD aayā hai dil meñ 'sīmā'

tishnagī dard ke is had ko nahīñ māntī hai

KHud-farebi ki kisi had ko nahin manti hai

qamat-e-shauq kisi qad ko nahin manti hai

bu-e-gul ho ki hawa ho ki mohabbat ki waba

itni sarkash hai ki sarhad ko nahin manti hai

wo andheron ka pujari hai use kya malum

raushni raat ki aamad ko nahin manti hai

koi surat dil-e-awara ki ye bechaini

kaKH-e-yaqut ki masnad ko nahin manti hai

mustarad karte hain kuchh log KHuda ko bhi magar

ek duniya hai jo is radd ko nahin manti hai

ghonsla shaKH se girta hai hawa ke hathon

usi chiDiya ka jo bargad ko nahin manti hai

ye tera nam-o-nasab dil ke na kaam aaega

ye mohabbat hai kisi had ko nahin manti hai

ek sailab umanD aaya hai dil mein 'sima'

tishnagi dard ke is had ko nahin manti hai