KHud ko har aarzu ke us par kar liya hai
ḳhud ko har aarzū ke us paar kar liyā hai
ham ne ab us kā saaya dīvār kar liyā hai
jaatī thī mere dil se jo tere āstāñ tak
duniyā ne us galī meñ bāzār kar liyā hai
de daad aa ke bāhar shah-e-rag se ḳhuuñ hamārā
us ne jo apnā chehra gulnār kar liyā hai
bas chashm-e-ḳhūñ-fishāñ ko milte nahīñ haiñ aañsū
varna tirā murkkab tayyār kar liyā hai
hai vaj.h-e-kaj-kulāhī tauq-e-gulū hamārā
zanjīr-e-pā ko apnī talvār kar liyā hai
mahsūs kar rahā huuñ ḳhāroñ meñ qaid ḳhushbū
āñkhoñ ko terī jānib ik baar kar liyā hai
is baar vo bhī ham se inkār kar na paayā
ham ne bhī ab kī us se iqrār kar liyā hai
KHud ko har aarzu ke us par kar liya hai
hum ne ab us ka saya diwar kar liya hai
jati thi mere dil se jo tere aastan tak
duniya ne us gali mein bazar kar liya hai
de dad aa ke bahar shah-e-rag se KHun hamara
us ne jo apna chehra gulnar kar liya hai
bas chashm-e-KHun-fishan ko milte nahin hain aansu
warna tera murkkab tayyar kar liya hai
hai wajh-e-kaj-kulahi tauq-e-gulu hamara
zanjir-e-pa ko apni talwar kar liya hai
mahsus kar raha hun KHaron mein qaid KHushbu
aankhon ko teri jaanib ek bar kar liya hai
is bar wo bhi hum se inkar kar na paya
hum ne bhi ab ki us se iqrar kar liya hai
- Book : NAQSH-E-PA HAWAON KE (Pg. 39)
- Edition : 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
