KHud ko is tarah aaj shad karen

ḳhud ko is tarah aaj shaad kareñ

tum ko bhūleñ tumhīñ ko yaad kareñ

tum se milnā nahīñ qayāmat tak

faisla ye bhī aaj saad kareñ

rañg kitne haiñ tere chehre ke

kis havāle se tujh ko yaad kareñ

kar ke ehsān ham pe nāhaq hī

ham se vābasta vo mafād kareñ

aag ghar kī unheñ bhī yaad rahe

shahr meñ jo kabhī fasād kareñ

aaj ḳhud se zarā sī der mileñ

aaj puurī chalo murād kareñ

yaad meñ ek marne vaale kī

aaj mahfil kā in.iqād kareñ

KHud ko is tarah aaj shad karen

tum ko bhulen tumhin ko yaad karen

tum se milna nahin qayamat tak

faisla ye bhi aaj sad karen

rang kitne hain tere chehre ke

kis hawale se tujh ko yaad karen

kar ke ehsan hum pe nahaq hi

hum se wabasta wo mafad karen

aag ghar ki unhen bhi yaad rahe

shahr mein jo kabhi fasad karen

aaj KHud se zara si der milen

aaj puri chalo murad karen

yaad mein ek marne wale ki

aaj mahfil ka iniqad karen