KHud ko kis tarh tum sanbhaaloge

ḳhud ko kis tarh tum sañbhāloge

jab talak un ke ḳhvāb pāloge

jaisā tum ne kiyā vo kar duuñ to

sar pe duniyā ko tum uThā loge

jān-e-dil rūh-e-zindagī bolo

pyaar se dekhne kā kyā loge

tum ne bhī Dūbne diyā mujh ko

mujh ko lagtā thā tum bachā loge

apne raste ko jānñe ke baa'd

ek din tum bhī rāsta loge

tum ko koī bhī kuchh na bolegā

tum jise chāho aazmā loge

tum sañbhālo to hogā kuchh apnā

kuchh bhī hogā to tum sañbhāloge

haath hoñge tumhāre bhī gande

ham pe kīchaḌ agar uchhāloge

bhej kar ham ko korā kāġhaz tum

aur mushkil meñ kitnī Dāloge

KHud ko kis tarh tum sanbhaaloge

jab talak un ke KHwab paloge

jaisa tum ne kiya wo kar dun to

sar pe duniya ko tum uTha loge

jaan-e-dil ruh-e-zindagi bolo

pyar se dekhne ka kya loge

tum ne bhi Dubne diya mujh ko

mujh ko lagta tha tum bacha loge

apne raste ko jaanne ke ba'd

ek din tum bhi rasta loge

tum ko koi bhi kuchh na bolega

tum jise chaho aazma loge

tum sanbhaalo to hoga kuchh apna

kuchh bhi hoga to tum sanbhaaloge

hath honge tumhaare bhi gande

hum pe kichaD agar uchhaaloge

bhej kar hum ko kora kaghaz tum

aur mushkil mein kitni Daloge