KHud ko shayan-e-tawajjoh dil-e-nadan samjha

ḳhud ko shāyān-e-tavajjoh dil-e-nādāñ samjhā

kis qadar is nigah-e-lutf ko arzāñ samjhā

rā.egāñ koshish-e-iḳhfā-e-ġham-e-dil na ga.ī

mujh ko duniyā ne harīf-e-ġham-e-daurāñ samjhā

un se kyā shikva-e-mahrūmī-e-qismat ai dil

maiñ ise bā'is-e-kotāhī-e-dāmāñ samjhā

us se pūchhe koī dikhtī huī rāhat ke maze

jo tire dard ko taskīn-e-dil-o-jāñ samjhā

un kā ye haal ki dete rahe duurī ke fareb

merā ye shauq ki nazdīk-e-rag-e-jāñ samjhā

kyā qayāmat hai ki sarmāya-e-ġham ke bā-vasf

mujh ko duniyā ne 'hazīñ' be-sar-o-sāmāñ samjhā

haa.e nā-qadrī-e-jazbāt-e-mohabbat ki 'hazīñ'

sunñe vāloñ ne mujhe sirf ġhazal-ḳhvāñ samjhā

KHud ko shayan-e-tawajjoh dil-e-nadan samjha

kis qadar is nigah-e-lutf ko arzan samjha

raegan koshish-e-iKHfa-e-gham-e-dil na gai

mujh ko duniya ne harif-e-gham-e-dauran samjha

un se kya shikwa-e-mahrumi-e-qismat ai dil

main ise ba'is-e-kotahi-e-daman samjha

us se puchhe koi dikhti hui rahat ke maze

jo tere dard ko taskin-e-dil-o-jaan samjha

un ka ye haal ki dete rahe duri ke fareb

mera ye shauq ki nazdik-e-rag-e-jaan samjha

kya qayamat hai ki sarmaya-e-gham ke ba-wasf

mujh ko duniya ne 'hazin' be-sar-o-saman samjha

hae na-qadri-e-jazbaat-e-mohabbat ki 'hazin'

sunne walon ne mujhe sirf ghazal-KHwan samjha