KHud-pasandana taqazon par agar jaegi
ḳhud-pasandāna taqāzoñ par agar jā.egī
ziist apnī hī nigāhoñ se utar jā.egī
ham ne maanā yahīñ khīñch aa.egī manzil lekin
ai junūñ izzat-e-arbāb-e-safar jā.egī
aap taklīf-e-tavajjoh na kareñ bahr-e-ḳhudā
zindagī jaise bhī guzregī guzar jā.egī
log kyā samjheñge pahnā.ī-e-dāmān-e-junūñ
jab bhī jā.egī garebāñ pe nazar jā.egī
ham to bad-nām-e-vafā hoñge to hoñge lekin
aabrū terī bhī ai dīda-e-tar jā.egī
KHud-pasandana taqazon par agar jaegi
zist apni hi nigahon se utar jaegi
hum ne mana yahin khinch aaegi manzil lekin
ai junun izzat-e-arbab-e-safar jaegi
aap taklif-e-tawajjoh na karen bahr-e-KHuda
zindagi jaise bhi guzregi guzar jaegi
log kya samjhenge pahnai-e-daman-e-junun
jab bhi jaegi gareban pe nazar jaegi
hum to bad-nam-e-wafa honge to honge lekin
aabru teri bhi ai dida-e-tar jaegi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
