KHud se apna hath chhuDa kar chalna mushkil ho jata hai

ḳhud se apnā haath chhuḌā kar chalnā mushkil ho jaatā hai

ret lahar ko pī jaatī hai dariyā sāhil ho jaatā hai

ba.ad tumhāre ye hī mausam kitnā bojhal ho jaatā hai

saath tumhāre ye hī mausam kitnā ḳhush-dil ho jaatā hai

aañkh barābar saath ghaTā ke ḳhuub barastī hai mil-jul ke

bāhar būñdeñ andar aañsū sab kuchh jhilmil ho jaatā hai

jis ko paane kī ḳhātir pāgal the pā kar dekh rahe ho

kitnā ḳhālī-pan lagtā hai jab vo hāsil ho jaatā hai

ek mohabbat kā afsāna is meñ haiñ kitne afsāne

ek nayā kirdār kahāñ se har din shāmil ho jaatā hai

vaqt kisī ke saath guzarne lagtā hai anjān safar meñ

raahī sāthī ban jaate haiñ rasta manzil ho jaatā hai

pair muḌe us kā to girtā huuñ maiñ ye kaisā rishta hai

choT kisī ko lag jaatī hai koī choTil ho jaatā hai

sūkhe peḌoñ ko āñdhī kā koī ḳhauf nahīñ hotā hai

peḌ ladā ho pattoñ se to thoḌā buzdil ho jaatā hai

kaun chalātā hai phir us meñ yāroñ ye kāġhaz kī kashtī

bārish kā paanī jab ghar ke andar dāḳhil ho jaatā hai

KHud se apna hath chhuDa kar chalna mushkil ho jata hai

ret lahar ko pi jati hai dariya sahil ho jata hai

baad tumhaare ye hi mausam kitna bojhal ho jata hai

sath tumhaare ye hi mausam kitna KHush-dil ho jata hai

aankh barabar sath ghaTa ke KHub barasti hai mil-jul ke

bahar bunden andar aansu sab kuchh jhilmil ho jata hai

jis ko pane ki KHatir pagal the pa kar dekh rahe ho

kitna KHali-pan lagta hai jab wo hasil ho jata hai

ek mohabbat ka afsana is mein hain kitne afsane

ek naya kirdar kahan se har din shamil ho jata hai

waqt kisi ke sath guzarne lagta hai anjaan safar mein

rahi sathi ban jate hain rasta manzil ho jata hai

pair muDe us ka to girta hun main ye kaisa rishta hai

choT kisi ko lag jati hai koi choTil ho jata hai

sukhe peDon ko aandhi ka koi KHauf nahin hota hai

peD lada ho patton se to thoDa buzdil ho jata hai

kaun chalata hai phir us mein yaron ye kaghaz ki kashti

barish ka pani jab ghar ke andar daKHil ho jata hai