KHud se usne najat pa li hai

ḳhud se us ne najāt pā lī hai

raah 'navnīt' ne nikālī hai

ḳhushk āñkhoñ ke ās-pās kahīñ

dil ne ik jhiil sī banā lī hai

lahlahāte haiñ dard ke paude

ishq kā bāġh, yaad maalī hai

rauñd jaatā hai ye kināroñ ko

ise dariyā kaheñ? mavālī hai

ek tasvīr ko haTāyā bas

dil kī dīvār ḳhālī ḳhālī hai

aap kā naam bhī nahīñ lete

pyaas hoñToñ pe ab sajā lī hai

ai thakan kuchh to bol, kyā tū ne

manziloñ meñ jagah banā lī hai

maiñ huā kāmyāb mar kar bhī

aañkh qātil ne vo jhukā lī hai

kyā bharosa mileñ vo yā na mileñ

ham ne ik aarzū kamā lī hai

KHud se us ne najat pa li hai

rah 'nawnit' ne nikali hai

KHushk aankhon ke aas-pas kahin

dil ne ek jhil si bana li hai

lahlahate hain dard ke paude

ishq ka bagh, yaad mali hai

raund jata hai ye kinaron ko

ise dariya kahen? mawali hai

ek taswir ko haTaya bas

dil ki diwar KHali KHali hai

aap ka nam bhi nahin lete

pyas honTon pe ab saja li hai

ai thakan kuchh to bol, kya tu ne

manzilon mein jagah bana li hai

main hua kaamyab mar kar bhi

aankh qatil ne wo jhuka li hai

kya bharosa milen wo ya na milen

hum ne ek aarzu kama li hai