KHud shishe ke ghar mein baiThe patthar phenken auron par

ḳhud shīshe ke ghar meñ baiThe patthar pheñkeñ auroñ par

zaḳhmī log pukāreñ bhī to tohmat aa.e logoñ par

apnī apnī soch meñ gum-sum bhaag rahe haiñ saare log

ḳhauf-o-hirās ke ab pahre haiñ hañste baste shahroñ par

chāroñ samt musāfir chīḳheñ patthar kī mānind maiñ chup

bahr kināre dekh rahā huuñ TuuTī kashtī lahroñ par

ham logoñ ne jo sochā hai likkhā hai be-ḳhaufī se

hākim logoñ ne to ḳhuub lagā.e pahre sochoñ par

KHud shishe ke ghar mein baiThe patthar phenken auron par

zaKHmi log pukaren bhi to tohmat aae logon par

apni apni soch mein gum-sum bhag rahe hain sare log

KHauf-o-hiras ke ab pahre hain hanste baste shahron par

chaaron samt musafir chiKHen patthar ki manind main chup

bahr kinare dekh raha hun TuTi kashti lahron par

hum logon ne jo socha hai likkha hai be-KHaufi se

hakim logon ne to KHub lagae pahre sochon par