KHuda-e-bartar ne aasman ko zamin par mehrban kiya hai

Ghulam Husain Sajid

KHuda-e-bartar ne aasman ko zamin par mehrban kiya hai

Ghulam Husain Sajid

MORE BY Ghulam Husain Sajid

    ḳhudā-e-bartar ne āsmāñ ko zamīn par mehrbāñ kiyā hai

    magar mire ḳhvāb ke nagar ko charāġh ne ḳhush-gumāñ kiyā hai

    suno ki maiñ ne dharī hai sat.h-e-ravāñ pe ik Doltī imārat

    aur ek sham-e-tarab ko shahr-e-malāl pāsbāñ kiyā hai

    mujhe yaqīñ hai ye sub.h-e-nau bhī mire sitāre saath degī

    ki maiñ ne ik ism madad se ġhubār ko āsmāñ kiyā hai

    ye sach hai merī sadā ne raushan kiye haiñ mehrāb par sitāre

    magar mirī be-qarār āñkhoñ ne aa.ine ziyāñ kiyā hai

    nigāh-e-nam-nāk ko lahū ne kiyā hai majbūr dekhne par

    aur ek rabt-e-ḳhafī ko rasm-e-muġhāirat ne javāñ kiyā hai

    kahīñ nahīñ hai masāfat-e-umr meñ kisī ḳhvāb paḌāv

    so maiñ ne is be-kanār sahrā pe abr sā.ebāñ kiyā hai

    sitār-e-ḳhvāb se bhī baḌh kar ye kaun be-mehr hai ki jis ne

    charāġh aur aa.ine ko apne vajūd rāz-dāñ kiyā hai

    KHuda-e-bartar ne aasman ko zamin par mehrban kiya hai

    magar mere KHwab ke nagar ko charagh ne KHush-guman kiya hai

    suno ki main ne dhari hai sath-e-rawan pe ek Dolti imarat

    aur ek sham-e-tarab ko shahr-e-malal ka pasban kiya hai

    mujhe yaqin hai ye subh-e-nau bhi mere sitare ka sath degi

    ki main ne ek ism ki madad se ghubar ko aasman kiya hai

    ye sach hai meri sada ne raushan kiye hain mehrab par sitare

    magar meri be-qarar aankhon ne aaine ka ziyan kiya hai

    nigah-e-nam-nak ko lahu ne kiya hai majbur dekhne par

    aur ek rabt-e-KHafi ko rasm-e-mughairat ne jawan kiya hai

    kahin nahin hai masafat-e-umr mein kisi KHwab ka paDaw

    so main ne is be-kanar sahra pe abr ka saeban kiya hai

    sitar-e-KHwab se bhi baDh kar ye kaun be-mehr hai ki jis ne

    charagh aur aaine ko apne wajud ka raaz-dan kiya hai

    Source:

    • Book : Monthly Usloob (Pg. 394)
    • Author : Mushfiq Khawaja
    • Publication : Usloob 3D 9—26 Nazimabad karachi   180007 (Oct. õ Nov. 1983,Issue No. 5-6)
    • Edition : Oct. õ Nov. 1983,Issue No. 5-6
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY