KHuda ke zikr mein mashghul hain jo mast pahaD
KHuda ke zikr mein mashghul hain jo mast pahaD
Faisal Nadeem Faisal
MORE BYFaisal Nadeem Faisal
ḳhudā ke zikr meñ mashġhūl haiñ jo mast pahāḌ
samajh ga.e haiñ yaqīnan adā-e-vaqt pahāḌ
hamārī zaat ta.ajjub kī ek duniyā hai
kahīñ pe jhiil samundar kahīñ daraḳht pahāḌ
tumhāre saath duā.eñ atā.eñ zād-e-safar
hamāre saath musalsal sarāb dasht pahāḌ
ḳhabar havā se milī hai tumhārī aamad kī
magar ise bhī samajhte haiñ auj-baḳht pahāḌ
jo chal paḌe to Thaharne kā phir javāz nahīñ
hamāre hausle 'faisal' ki jaise saḳht pahāḌ
KHuda ke zikr mein mashghul hain jo mast pahaD
samajh gae hain yaqinan ada-e-waqt pahaD
hamari zat tajjub ki ek duniya hai
kahin pe jhil samundar kahin daraKHt pahaD
tumhaare sath duaen ataen zad-e-safar
hamare sath musalsal sarab dasht pahaD
KHabar hawa se mili hai tumhaari aamad ki
magar ise bhi samajhte hain auj-baKHt pahaD
jo chal paDe to Thaharne ka phir jawaz nahin
hamare hausle 'faisal' ki jaise saKHt pahaD
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
