KHuda ko aazmana chahta hun

ḳhudā ko āzmānā chāhtā huuñ

maiñ ye duniyā jalānā chāhtā huuñ

kisī shā.ir se us kī zindagī ke

maiñ saare ġham churānā chāhtā huuñ

maiñ rūh-e-'jaun' ko jannat meñ jā kar

gale kas kar lagānā chāhtā huuñ

tirī chhat par Tañge sab pairahan se

tirī ḳhushbū churānā chāhtā huuñ

faqat mad.hosh ho kar kyā maza hai

maiñ pī kar laḌkhaḌānā chāhtā huuñ

ghaḌī ke kāñToñ ko ulTā ghumā kar

samay ko maiñ bachānā chāhtā huuñ

shajar ko kaaT kar maiñ ḳhuub royā

maiñ apnā ghar banānā chāhtā huuñ

na.e hāthoñ meñ maiñ pustak thamā kar

sabhī sarhad miTānā chāhtā huuñ

use kah kar kī ab bhī hai mohabbat

maiñ us kā dil dukhānā chāhtā huuñ

kisī ma.asūm bachche kī tarah maiñ

ḳhudā ko sab batānā chāhtā huuñ

KHuda ko aazmana chahta hun

main ye duniya jalana chahta hun

kisi shair se us ki zindagi ke

main sare gham churana chahta hun

main ruh-e-'jaun' ko jannat mein ja kar

gale kas kar lagana chahta hun

teri chhat par Tange sab pairahan se

teri KHushbu churana chahta hun

faqat madhosh ho kar kya maza hai

main pi kar laDkhaDana chahta hun

ghaDi ke kanTon ko ulTa ghuma kar

samay ko main bachana chahta hun

shajar ko kaT kar main KHub roya

main apna ghar banana chahta hun

nae hathon mein main pustak thama kar

sabhi sarhad miTana chahta hun

use kah kar ki ab bhi hai mohabbat

main us ka dil dukhana chahta hun

kisi masum bachche ki tarah main

KHuda ko sab batana chahta hun