KHudaya hind par teri inayat ho inayat ho
KHudaya hind par teri inayat ho inayat ho
Shyam Sunder Lal Barq
MORE BYShyam Sunder Lal Barq
ḳhudāyā hind par terī ināyat ho ināyat ho
barādar ko barādar se mohabbat ho mohabbat ho
na hindū ko musalmāñ se adāvat ho adāvat ho
musalmāñ ko na hindū se kudūrat ho kudūrat ho
tirī ai phuuT jis ghar meñ iqāmat ho iqāmat ho
na kyuuñ be-intihā us meñ musībat ho musībat ho
yahī hai mudda.ā apnā yahī hai iltijā apnī
vatan meñ rāt-din yārab masarrat ho masarrat ho
sharaf is ḳhaak ke putle ko hai insān hone kā
ġharīb-e-zār par jis kī ināyat ho ināyat ho
haqīqat meñ vahī hai bahra-var ishq-e-haqīqī se
urūs-e-mulk se jis ko mohabbat ho mohabbat ho
ibādat naam hai us kā sharī.at hai laqab us kā
dil-o-jāñ se jo ḳhilqat kī itā.at ho itā.at ho
jo ho hamdard ḳhilqat kā vatan kā jo murabbī ho
ġhazab hai zaat par us kī aziyyat ho aziyyat ho
dil-o-jāñ dīn-o-īmāñ mulk-o-daulat par jo aadī haiñ
ilāhī un kī āñkhoñ meñ muravvat ho muravvat ho
sazā-vār-e-ḳhitāb-e-ḳhizr vo insāñ hai duniyā meñ
ki rah-gum-karda kī jis se hidāyat ho hidāyat ho
tujhe ai 'barq' ham samjheñge ahl-e-dil agar tujh se
dam-e-mushkil ḳhalā.eq kī iāñat ho iāñat ho
KHudaya hind par teri inayat ho inayat ho
baradar ko baradar se mohabbat ho mohabbat ho
na hindu ko musalman se adawat ho adawat ho
musalman ko na hindu se kudurat ho kudurat ho
teri ai phuT jis ghar mein iqamat ho iqamat ho
na kyun be-intiha us mein musibat ho musibat ho
yahi hai muddaa apna yahi hai iltija apni
watan mein raat-din yarab masarrat ho masarrat ho
sharaf is KHak ke putle ko hai insan hone ka
gharib-e-zar par jis ki inayat ho inayat ho
haqiqat mein wahi hai bahra-war ishq-e-haqiqi se
urus-e-mulk se jis ko mohabbat ho mohabbat ho
ibaadat nam hai us ka shariat hai laqab us ka
dil-o-jaan se jo KHilqat ki itaat ho itaat ho
jo ho hamdard KHilqat ka watan ka jo murabbi ho
ghazab hai zat par us ki aziyyat ho aziyyat ho
dil-o-jaan din-o-iman mulk-o-daulat par jo aadi hain
ilahi un ki aankhon mein murawwat ho murawwat ho
saza-war-e-KHitab-e-KHizr wo insan hai duniya mein
ki rah-gum-karda ki jis se hidayat ho hidayat ho
tujhe ai 'barq' hum samjhenge ahl-e-dil agar tujh se
dam-e-mushkil KHalaeq ki ianat ho ianat ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
