KHudi ki shoKHi o tundi mein kibr-o-naz nahin
Interesting Fact
Baal-e-Gibril
ḳhudī kī shoḳhī o tundī meñ kibr-o-nāz nahīñ
jo naaz ho bhī to be-lazzat-e-niyāz nahīñ
nigāh-e-ishq dil-e-zinda kī talāsh meñ hai
shikār-e-murda sazā-vār-e-shahbāz nahīñ
mirī navā meñ nahīñ hai adā-e-mahbūbī
ki bāñg-e-sūr-e-sarāfīl dil-navāz nahīñ
savāl-e-mai na karūñ sāqi-e-farañg se maiñ
ki ye tarīqa-e-rindān-e-pāk-bāz nahīñ
huī na aam jahāñ meñ kabhī hukūmat-e-ishq
sabab ye hai ki mohabbat zamāna-sāz nahīñ
ik iztirāb musalsal ġhayāb ho ki huzūr
maiñ ḳhud kahūñ to mirī dāstāñ darāz nahīñ
agar ho zauq to ḳhalvat meñ paḌh zubūr-e-ajam
fuġhān-e-nīm-shabī be-navā-e-rāz nahīñ
KHudi ki shoKHi o tundi mein kibr-o-naz nahin
jo naz ho bhi to be-lazzat-e-niyaz nahin
nigah-e-ishq dil-e-zinda ki talash mein hai
shikar-e-murda saza-war-e-shahbaz nahin
meri nawa mein nahin hai ada-e-mahbubi
ki bang-e-sur-e-sarafil dil-nawaz nahin
sawal-e-mai na karun saqi-e-farang se main
ki ye tariqa-e-rindan-e-pak-baz nahin
hui na aam jahan mein kabhi hukumat-e-ishq
sabab ye hai ki mohabbat zamana-saz nahin
ek iztirab musalsal ghayab ho ki huzur
main KHud kahun to meri dastan daraaz nahin
agar ho zauq to KHalwat mein paDh zubur-e-ajam
fughan-e-nim-shabi be-nawa-e-raaz nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
